Khutbah Jum’ah: Ruksakna Iman jeung Alam

Khutbah Jum’ah: Ruksakna Iman jeung Alam

الْحَمْدَ للهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَعُوْذُ بِاللهِ مِنْ شُرُوْرِأَنْفُسِناَوَمِنْ سَيِّئَاتِ أَعْمَالِنَا. مَنْ يَهْدِ الله  فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ.
أَشْهَدُ أَن لاَّ إِلَهَ إِلاَّ اللهُ وَحْدَهُ لاَ شَرِيكَ لَهُ، وَأَشْهَدُ أَنَّ سَيِّدَنَا وَنَبِيَّنَا مُحَمَّدًا عَبْدُ اللهِ وَرَسُولُهُ . اللَّهُمَّ صَلِّ وَسَلِّمْ وَبَارِكْ عَلَيْهِ وَعَلَى آلِهِ
وَأَصْحابِهِ أَجْمَعِينَ، وَالتَّابِعِينَ لَهُمْ بإِحْسَانٍ إِلَى يَوْمِ الدِّيْنِ.

 أَمَّا بَعْدُ: فَيَا عِبَادَ اللهِ أُوصِيْكُمْ وَنَفْسِيْ بِتَقْوَى اللهِ فَقَدْ فَازَ اْلمُتَّقُوْنَ. قَالَ اللهُ تَعَالَى: اللَّهُ الَّذِي خَلَقَكُمْ ثُمَّ رَزَقَكُمْ ثُمَّ يُمِيتُكُمْ ثُمَّ يُحْيِيكُمْ
هَلْ مِن شُرَكَائِكُم مَّن يَفْعَلُ مِن ذَلِكُم مِّن شَيْءٍ سُبْحَانَهُ وَتَعَالَى عَمَّا يُشْرِكُونَ. ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ
لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ. قُلْ سِيرُوا فِي الْأَرْضِ فَانظُرُوا كَيْفَ كَانَ عَاقِبَةُ الَّذِينَ مِن قَبْلُ كَانَ أَكْثَرُهُم مُّشْرِكِينَ

Hadirin jamaah Jum’ah Rohimakumulloh.

Hayu urang regepkeun kana pidawuh Alloh nu sakumaha diaoskeun khatib tadi:

“Nya Alloh anu ngayugakeun maraneh, tuluy Anjeuna anu maparin rejeki ka maraneh, tuluy Anjeuna
anu bakal mateni maraneh, tuluy anjeuna anu bakal ngahirupan deui maraneh. Naha aya ti antara
sarekat-sarekat maraneh anu magawe perkara nu karitu? Maha suci Anjeuna jeung maha Luhung
tina saniskara anu ku maraneh disarekatkeun. Geus timbul karuksakan di darat jeung di laut alatan
pagawean leungeun manusa, anu balukarna Alloh nibankeun ka maraneh (wawales-tina) sabagian
anu ku maraneh dilampahkeun, supaya maranehna babalik pikir. Pok caritakeun, “Jeung maraneh
geura ngalalana di ieu bumu, tuluy titenan kumaha balukarna jalma-jalma baheula anu kalolobaanana
jalma-jalma musyrik”. (Q.S. al-Rum : 40-42)

Upama dititenen sakumaha dawuhan di luhur, estuning ngagaduhan ma’na nu jero pisan.
Siklus kahirupan, masalahkaruksakan jeung palajaran tina kahirupan manusa samemehna pikeun
eunteung ayeuna.

Dina tilu ayat di luhur, Alloh negeskeun ka manusa, yen ‘ngayugakeun kahirupan’ ,
‘nyiptakuen rejeki’ ajang bekel hirup, ‘maot’ jeung ‘datangna poe kiyamah’ sadayana mangrupa
sunnatulloh,  sarta teu aya deui anu kawasa pikeun ngarobahna anging ku kakawasaan Alloh SWT.
Sedengkeun ari masalah karuksakan di darat jeung di laut nu jadi sabab pagawean manusa, nu
saterusna timbulna kaayaan nu sarwa kurang jeung ilangna sareat pirijkieun, eta mah sanes kalebet
sunnatulloh, tapi alatan paripolah manusana sorangan nu teu nyekel pageuh naon nu sabenerna tugas
manusa salaku khalifah. Alatan polah manusa saperti kitu oge, cirining manusa geus teu mampuh
ngayakinkeun yen nu ngayugakeun ieu alam jeung nu salawasna nu maparin pituduh teh Alloh SWT.

Hadirin Jamaah Jum’ah rohimakumulloh.

Bukti-bukti arkeologis nu hasilna dikumpulkeun ku para elmuan tina sababaraha situs purbakala
geus nuduhkeun, yen manusa modern teh nu hirupna aya diluhureun fosil sejarah peradaban generasi
manusa nu mampuh ngawangun kamajuan jeung karaharjaan, tapi maranehna ancur nu leuwih-leuwih
alatan naon nu geus dilakukeun. Di sagara keusik Arabia, di sababaraha dasar lautan, sarta
dihandapeun tumpukan lava gunung Vesuvius geus kapanggih ayana titinggal peradaban manusa
nu diperkirakeun ngadadak ancur.

Dina Al-qurana seueur disebutkeun bangsa-bangsa nu diancurkeun alatan paripolah manusana
sorangan nu mengpar tina moral jeung akidah musyrik tea. Naha kumaha atuh hubungan kamusyrikan
jeung karuksakan di muka bumi ieu teh?

Alloh nu maha ngayugakeun sadayana alam, Anjeuna geus ngatur kumaha tatanan nu mangrupa
sunnatulloh.  Alloh nu maha miara, nu ngajaga, tempatna panyalindungan. Alloh geus ngatur 
kalawan ditetepkeun ayanan hukum alam nu disebut sunna tasbudiyyah (kausalitas) kalawan
sampurna. Alloh tempat pangbalikan sakabeh makhluk-Na. Ku kituna ku urang kedah teguh
dina kayakinan yen teu aya deui pangeran nu ngajaga ieu alam anging aya dina pangjagaan Alloh,
teu aya deui pangeran nu ngatur ieu alam jeung eusina anging aya dina pangaturan Alloh, ieu namina 
tauhid rububiyyah. Yakin yen teu aya deui pangeran nu wajib disembah angin hiji-hijina dzat Alloh,
ieu namina tauhid ubudiyyah. Jeung yakin, yen  Alloh mung hiji-hijina pangeran kalawan teu aya
nu bisa nyarekatan, ieu namina tauhid uluhiyyah.

Hadirin Jamaah Jum’ah rohimakumulloh.

Alatan kabodoan manusa srta lolong dina kayakinan, henteu paham ka nu nyiptakeun, ka nu
ngapimilik, sarta ka nu jadi puserna katoatan, ahirna manusa aya dina kaayaan nu linglung kalawan
teu mampuh dina nyepeng amanah kakhalifahan nu samistina.

Alatan kabodoan manusa oge, ahirna katalimbeng nepi ka makhluk dijadikeun “Tuhan” jeung manusa
sorangan ngajadikeun sumberna bebeneran malahan ngajadikeun pangeran. Nu kieu ngaranna
musyrik, nu jadi asal mula ditibankeunana sagala musibah.

Manusa oge dina ngolah jeung ngamangpaatkeun alam ieu, boh di darat boh di laut geus ngarasa
jadi milikna sorangan, heunte ngarasa yakin yen saleresna Alloh nu maha ngapimilik. Nepi ka
maranehna ngarasa mampu ngandalikeun akibat nu geus dilakukeunana.  Ku kituna kasarakahan
jeung kasenangan geus jadi pangeran maranehna. Maranehna deui sombong, ngajadikeun yen elmu
pangaweruhna hiji-hijina pituduh hirup sorangan. Nu kieu disebut kamusyrikan dina harti nu leuwih
luas. Kitu deui alatan pamadegan eta, nu ngabalukarkeun timbulna musibah di alam semesta ieu.

Ku kituna, kahartos pisan, naon tiap Nabi jeung Rosul salawasna nyandak risalah tauhid nu jadi
puseurna kasalametan manusa. Alatan kayakinan ka Alloh, manusa bakal mampuh ngajalankeun
khalifah di muka bumi.

Hadirin Jamaah Jum’ah rohimakumulloh.

Karuksakan pagawean manusa nu ngabalukarkeun timbulna musibah caah, mangka hakekatna mah
kaimanan manusa aya dina kayaan ruksak, musyrik. Sedengkeun timbulna karuksakan tauhid oge
sumberna tina kabodoan manusa heunte apal dina perkara saha nu saleresna nyiptakuen ieu alam
jeung teu apal kana ngaran-ngaran nu ku Alloh geus diturunkeun ka Nabi Adam nalika diciptakeun
sarta ditugaskeun jadi khalifah.

Ku kituna nyalametkeun alam tina karuksakan, ieu the tanggung jawab manusa, tugas salaku khlaifah,
tugas urang yakin ka Alloh sarta tanggung jawab karana manusa geus dipasihan apal kana
ngaran-ngaran potensi alam ieu.

وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ وَلَـكِن كَذَّبُواْ فَأَخَذْنَاهُم بِمَا كَانُواْ يَكْسِبُونَ

“Cacakan pangesi eta nagri ariman sarta takwa, tanwande Kami maparin kurnia ka maranehna
rupa-rupa berkah ti langit jeung bumi, tapi maranehna ngabohongkeun. Nya Kami nibankeun
siksaan ka maranehna alatan saniskara nu geus diusahakeun ku maranehna”. (QS. Al-A’rof: 96)

بارك الله لي و لكم في القرأن العظيم و نفعني و اياكم بما فيه من الأيات و ذكر الحكيم و تقبل مني و منكم تلاوته انه هو
السميع العليم أقول قولي هذا واستغفر الله العظيم لي و لكم   .

Khutbah kadua:

اَلْحَمْدُ للهِ عَلىَ اِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَاَشْهَدُ اَنْ لاَ اِلَهَ اِلاَّ اللهُ وَاللهُ وَحْدَهُ لاَ شَرِيْكَ لَهُ وَاَشْهَدُ اَنَّ سَيِّدَنَا
مُحَمَّدًا عَبْدُهُ وَرَسُوْلُهُ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَاَصْحَابِهِ وَسَلِّمْ تَسْلِيْمًا كِثيْرًا
اَمَّا بَعْدُ فَياَ اَيُّهَا النَّاسُ اِتَّقُوااللهَ فِيْمَا اَمَرَ وَانْتَهُوْا عَمَّا نَهَى
وَقَالَ تَعاَلَى اِنَّ اللهَ وَمَلآ ئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا.
اللهُمَّ صَلِّ عَلَى سَيِّدِنَا مُحَمَّدٍ صَلَّى اللهُ عَلَيْهِ وَسَلِّمْ وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ
وَارْضَ اللّهُمَّ عَنِ اْلخُلَفَاءِ الرَّاشِدِيْنَ اَبِى بَكْرٍوَعُمَروَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ
اِلَىيَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا اَرْحَمَ الرَّاحِمِيْنَ
اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءُ مِنْهُمْ وَاْلاَمْوَاتِ اللهُمَّ اَعِزَّ اْلاِسْلاَمَ وَاْلمُسْلِمِيْنَ
وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ اَعْدَاءَالدِّيْنِ
وَاعْلِ كَلِمَاتِكَ اِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ
عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ
حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَاوَاِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. عِبَادَاللهِ ! اِنَّ اللهَ يَأْمُرُنَا بِاْلعَدْلِ
وَاْلاِحْسَانِ وَإِيْتآءِ ذِى اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوااللهَ اْلعَظِيْمَ يَذْكُرْكُمْ وَاشْكُرُوْهُ
عَلىَ نِعَمِهِ يَزِدْكُمْ وَلَذِكْرُ اللهِ اَكْبَرْ